सनराइजर्स हैदरावादको सहज जित

0
75

काठमाडौं । सनराइजर्स हैदरावादले इन्डियन प्रिमियर लिग (आईपीएल) ट्वान्टी–२० क्रिकेटमा सहज जित निकालेको छ । सोमबार राति भएको खेलमा हैदरावादले राजस्थान रोयल्सलाई ७ विकेट हराएको हो ।

दुबई अन्तर्राष्ट्रिय क्रिकेट मैदानमा राजस्थानले दिएको १६५ रनको लक्ष्य हैदरावादले १८ ओभर ३ बलमा पूरा ग¥यो । हैदरावादका लागि जसन रय र केन विलियमसनले अर्धशतकीय पारी खेले । ४२ बल खेलेका रयले आठ चौका र एक छक्का प्रहार गरे ।

त्यस्तै, ४१ बल खेलेका विलियमसनले पाँच चौका र एक छक्का प्रहार गरे । हैदरावादका लागि अभिर्षक शर्माले २१ रन जोडे ।

बलिङतर्फ राजस्थानका लागि चेतन साकारिया, महिपाल लोमर र मुस्तफिजुर रहमानले समान एक÷एक विकेट लिए ।

यसअघि, टस जितेर पहिले ब्याटिङ गरेको राजस्थानले निर्धारित २० ओभरमा ५ विकेट गुमाएर १६४ रन बनाएको थियो ।

राजस्थानका लागि कप्तान सन्जु श्यामसनले ८२ रनको अर्धशतकीय पारी खेले । ५७ बल खेलेका उनले सात चौका र तीन छक्का प्रहार गरे । त्यस्तै, योजश्वी जैशवालले ३६ रन बनाउँदा माहिपाल लोमारले २९ रनको योगदान गरे ।

बलिङतर्फ हैदरावादका लागि सिद्धार्थ कौलले दुई विकेट लिए । सन्दीप शर्मा, भुवनेश्वर कुमार र राशिद खानले समान एक÷एक विकेट लिए ।

जितसँगै हैदरावादले १० खेलबाट ४ अंक जोडेको छ । हैदरावाद तालिकाको पुछारमा छ । राजस्थान ८ अंकसहित छैटौँ स्थानमा छ ।

LEAVE A REPLY

Please enter your comment!
Please enter your name here