कुर्सीको लडाई छाड, सत्यको लागि लड, जीत तिम्रै हुनेछ:नायिका वर्षा सिवाकोटी

नायिका वर्षा सिवाकोटीले नारीलाई भगवान् मानेर पुज्ने देशमा किन नारी नै सुरक्षित छैनन् भनेर प्रश्न उठाएकी छिन् । वैतडीकी भागरथी भट्टको बलात्कारपछि हत्या भएको घटनाले यतिबेला सिंगो देश नै स्तब्ध छ । नायिका सिवाकोटीले निर्मला र संझना जसतै भागरथीले पनि न्याय नपाउने नै हुन् त भनेर प्रश्न पनि गरेकी छिन् ।

उनले लेखेकी छिन्–‘के यति असक्षम छ हाम्रो न्यायपालिका ? के यति कमजोर छ हाम्रो राज्य व्यवस्था, एउटा अपराधीको पहिचान गरी सजायँ दिन नसक्ने ? के गरिबका लागि न्याय महंगो भैसक्यो ?’

https://www.facebook.com/photo?fbid=264108995074068&set=a.245057466979221

नायिका सिवाकोटीले विभिन्न राजनीतिक दलले गर्ने जुलुस तथा सभामा न्यायको खोजी हुने हो भने अर्की बहिनी बलात्कृत हुन्न थिइन् कि भनेर पनि प्रश्न उठाएकी छिन् । उनी अगाडि लेख्छिन्–‘हाम्रो माग के हुनुपर्ने हो ? नारा के हुनुपर्ने हो ? आफै विचार गरौं । अपराधीको मनोबल अझै बलियो बन्दै छ । पीडित अझै पीडामै छन् । जनताको सरकार र संविधानबाट भरोसा उठ्ने बेला भैसक्यो । देश झन् झन् अस्थिरतातर्फ जाँदैछ । कुर्सीको लडाई छाड, सत्यको लागि लड, जीत तिम्रै हुनेछ ।’

उनले, न्याय दिनका लागि ढिला नहोस् भनेर सरकारलाई सचेत गराएकी छिन् ।

Leave a Reply

Your email address will not be published. Required fields are marked *