प्रतिलिपि अधिकार उल्लंघनको आरोपमा विन्दवासिनी म्युजिक प्रालिकी अध्यक्ष पक्राउ

काठमाडौं । प्रहरीले प्रतिलिपि अधिकार उल्लंघनको आरोपमा विन्दवासिनी म्युजिक प्रालिकी अध्यक्ष लिना शर्मा रेग्मीलाई पक्राउ गरेको छ ।

गायक प्रमोद खरेल लगायतको उजुरीमा महानगरीय प्रहरी परिसर काठमाडौंले लिनालाई पक्राउ गरेको एसएसपी अशोक सिंहले पुष्टि गरे । उनलाई सोमवारै धुम्बाराहीबाट पक्राउ गरिएको प्रहरीले जनाएको छ । अदालतको अनुमति लिएर उनलाई पक्राउ गरिएको सिंहले बताए ।

आजै उनलाई म्याद थपका लागि जिल्ला अदालत पेश गर्न लागिएको छ । खरेलले लिनाका पति सुवास रेग्मीविरुद्ध पनि प्रतिलिपि अधिकार उल्लंघनको उजुरी दिएका छन् ।

Leave a Reply

Your email address will not be published. Required fields are marked *