फिफा विश्वकप छनोट : समूह चरणको बाँकी खेलहरुको खेल तालिका सार्वजनिक

0
43

काठमाडौं । नेपाली राष्ट्रिय फुटबल टोलीले दशरथ रंगशालामा खेल्ने कतारमा हुने फिफा विश्वकप २०२२ को छनोट चरण अन्तर्गत समूह चरणको बाँकी खेलहरुको खेल तालिका सार्वजनिक भएको छ । एसियाली फुटबल महासंघ (एएफसी) ले खेल तालिका सार्वजनिक गरेको हो । कोरोना भाइरसको कारण लामो समय सरेको खेल तालिका पुनः सार्वजनिक भएको हो ।

विश्वकप छनोटका खेलहरु सन् २०२० कै मार्चमा हुने तय भएको थियो । नेपालले अब बाँकी खेल मार्च र जुन महिनामा खेल्ने भएको छ । छनोट अन्तर्गत ५ खेलमा १ जित र ४ हार बेहोरेको नेपालले ३ खेल खेल्न बाँकी छ । अब नेपालले खेल्न बाँकी सबै खेल दशरथ रंगशालामा हुनेछन् । नेपाल र चाइनिज ताइपेइको खेल २५ मार्च २०२१ अर्थात नेपाली मितिमा अनुसार २०७७ चैत्र १२ गते हुनेछ ।

त्यस्तै दोस्रो खेल ३० मार्चमा अर्थात नेपाली समय अनुसार चैत्र १७) अष्ट्रेलियासँग हुनेछ । छनोट अन्तर्गत अन्तिम खेलमा नेपालले ७ जुन अर्थात नेपाली मिति अनुसार २०७८ जेठ २४ गते खेल्नेछ ।

LEAVE A REPLY

Please enter your comment!
Please enter your name here