कीर्तिपुरमा घरबेटीले कोठा भाडामा बस्नेको हत्या

२६ भदाै, काठमाडाैँ । काठमाडौँकाे कीर्तिपुरमा घरबेटीले कोठा भाडामा बस्नेको हत्या गरेका छन् । बाराकाे कलैया उपमहानगरपालिका–५ घर भई हाल काठमाडौँकाे कीर्तिपुर नगरपालिका–७ भाजङगल बस्ने ४८ वर्षीय शम्भु चौधरीको हत्या भएको हो । कीर्तिपुर नगरपालिका–७ भाजङगलका ६६ वर्षीय कृष्ण महर्जनले सामान्य विवादमा चौधरीलाई आग्लोले हिर्काएर हत्या गरेको प्रहरी अनुसन्धानबाट खुलेको छ ।
घरबेटी महर्जनकाे कुटाइबाट गम्भीर घाइते चौधरीको उपचारको क्रममा कीर्तिपुर मोडल अस्पतालमा मृत्यु भएको हाे । हत्या आरोपमा महर्जनलाई प्रहरीले नियन्त्रणमा लिएको छ । महर्जनमाथि थप अनुसन्धान भइरहेको प्रहरीले जनाएकाे छ ।

Leave a Reply

Your email address will not be published. Required fields are marked *