पछिल्लो २४ घण्टामा ४ सय ६८ जनामा संक्रमण पुष्टि

काठमाडौं । पछिल्लो २४ घण्टामा ४ सय ६८ जनामा संक्रमण पुष्टि भएसँगै नेपालमा कोरोना संक्रमितको संख्या २६ हजार १९ पुगेको छ । पछिल्लो २४ घण्टामा ११ हजार ४७ पीसीआर परिक्षण गरिएको छ ।

कोरोना संक्रमणका कारण कपिलवस्तु, पर्सा र धनुषाका एकएक जना गरेर थप तीन जनाको मृत्यु भएसँगै नेपालमा कोरोनाबाट ज्यान गुमाउनेको संख्या १ सय २ पुगेको छ । शनिबार साँझसम्म १४ हजार ४ सय ४८ जना देशका विभिन्न स्थानमा क्वारेन्टाइनमा रहेका छन् । मोरङ, पर्सा, रौतहट महोत्तरी काठमाडौंमा ५ सय बढी संक्रमित रहेका छन भने संखुवासभा, मनाङ, मुस्ताङ, डोल्पा र हुम्लामा संक्रमितको संख्या शून्य छ ।

कोरोना उपचार
८ हजार १ सय ९३ सक्रिय संक्रमित देशका विभिन्न कोभिड अस्पतालमा उपचाररत रहेका छन् । देशभरका विभिन्न अस्पतालका आइसीयूमा ९८ जना र भेन्टिलेटरमा ४ जना संक्रमित उपचाररत छन् । देशभर कोरोना उपचारका लागि आइसीयू बेड संख्या ९ सय ४२ र भेन्टिलेटर ४ सय ९६ रहेको छ । पछिल्लो २४ घण्टामा १ सय २४ डिस्चार्ज भएसँगै १७ हजार २ सय १ ले कोरोना जितेका छन् ।

काठमाडौं लगायत देशका धेरै स्थानमा कोरोना संक्रमितको संख्या बढेको र परिक्षणको प्रक्रिया समेत प्रभावकारी नभएको भन्दै सरकारले संक्रमितको सम्पर्कमा आएका वा जोखिम क्षेत्रमा पुगेका व्यक्तिहरु पाँच दिनसम्म आइसोलेसनमा बसेर मात्रै पीसीआर परिक्षण गर्न आग्रह गरेको छ । स्वास्थ्यकर्मीमाथी दुब्यवहार नगर्न नगराउन समेत सरकारले अपिल गरेको छ । देशभरका सम्पूर्ण मेडिकल कलेजलाई छुट्टै आइसोलेसन भवन र कक्ष तोकी स्विकृत बेडसंख्याको एक तिहाई बेड छुट्याएर कोरोना उपचारको व्यवस्था मिलाउन निर्देशन दिइएको छ ।

Leave a Reply

Your email address will not be published. Required fields are marked *