रातो मच्छिन्द्रनाथको रथारोहण आगामी शनिवार नहुने

काठमाडौ र वर्षा र सहकालका देवता रातो मच्छिन्द्रनाथको रथारोहण आगामी शनिवार नहुने भएको छ । मच्छिन्द्रनाथ गुठीसँग सम्बन्धित ज्योतिषीले साउन १० गते उत्तम साइत रहेको ठहर गरेसँगै मच्छिन्द्रनाथलाई रथमा विराजमा गराउन लागिएको थियो तर गुठी संस्थानले कोरोनाको कारण देखाउदै अहिलेलाई स्थगित गरिएको पत्र पठाएको छ ।

यसअघि असार २४ गतेका लागि तय गरिएको रथारोहण कोरोना संक्रमण बढेको कारण स्थगित गरिएको थियो ।

हाल तःबहालस्थित पाटीमा राखिएका मच्छिन्द्रनाथलाई चार–चार जना पुजारी मिलेर बाजागाजा, पूजापाठ र नीतिनियमका साथ पुल्चोकमा रहेको रथमा विराजमान गराउने प्रचलन छ । विगत वर्षमा मच्छिन्द्रनाथलाई रथमा विराजमान गराएको चार दिनपछि रथ तानेर गाःबहाल हुँदै अन्त्यमा जाउलाखेल लगेर जात्रा देखाउने चलन भएपनि यो बर्ष के गरिन्छ भन्ने अझै टुंगो लागेको छैन ।

हरेक वर्ष वैशाख शुक्ल प्रतिपदाका दिन मच्छिन्द्रनाथलाई रथमा विराजमान गराउने चलन छ । यस वर्ष भने कोरोन महामारीको कारण असार १० गतेदेखि मात्रै मच्छिन्द्रनाथको रथ निर्माण अघि बढेको हो ।

Leave a Reply

Your email address will not be published. Required fields are marked *