गोदावरी नगरपालिकामा प्रमुख प्रशासकीय अधिकृत र ओभरसियर १ लाख ५० हजार घुस सहित पक्राउ

काठमाडौं । ललितपुरको गोदावरी नगरपालिकामा अख्तियार दुरुपयोग अनुसन्धान आयोगले छापा मारेको छ । प्रमुख प्रशासकीय अधिकृत कृष्णप्रसाद जैशी र ओभरसियर किशोर मोक्तानले सेवाग्राहीसँग घुस मागेको खबर पाएपछि अख्तियार दुरुपयोग अनुसन्धान आयोगले छापा मारेको छ । अख्तियारको टोलीलाई थप मद्धत गर्न महानगरीय प्रहरी वृत्त चापागाउँका प्रहरी निरीक्षक राजेन्द्र थापाको टोली पनि गोदावरी नगरपालिकामा पुुगेको थियो । जैसी र मोक्तान १ लाख ५० हजार घुस सहित पक्राउ परेका छन् । अख्तियार दुरुपयोग अनुसन्धान आयोगले कागजात र दुबैलाई नियन्त्रणमा लिएर अनुसन्धान सुरु गरेका छन् ।

यसअघि पनि जैसी व्यवसायीहरुसँग मिलेर प्लटिङको जग्गा श्रीमतीको नाममा पास गरेको भन्दै अख्तियारमा उजुरी परेको थियो । जग्गा प्लटिङ ब्यवसायीसँग बारम्बार बार्गेनिङ गरिरहेका जैसीले अन्य पेशा तथा ब्यवसायी ब्यक्तीहरुलाई पनि दुख दिने गरेको आरोप लाग्दै आएको छ ।

Leave a Reply

Your email address will not be published. Required fields are marked *