६ वर्षीया बालिकाको खोलाले बगाएर मृत्यु

मोरङ जिल्लाको कटहरी गाउँपालिका–७ बस्ने ६ वर्षीया बालिकाको खोलाले बगाएर मृत्यु भएको छ । मृत्यु हुनेमा प्रधुम्ना सरदारकी ६ वर्षीया छोरी दिक्षा कुमारी सरदार रहेकी छिन् ।

शनिबार दिँउसो अन्दाजी ३ बजे जुडी खोलामा पौडी खेल्ने क्रममा खोलाले बगाई उनी बेपत्ता भएकी थिइन् । घटनाको जानकारी पाएपछि प्रचौ थलाहाबाट प्रहरी सहायक निरीक्षकको टोली र स्थानीयवासीको सक्रियतामा खोजी गर्दा पनि फेला परेकी थिइनन् ।

त्यसपछि थलाहा ब्यारेकबाट नेपाली सेनाको २५ जना, सशस्त्र प्रहरीको १५ जना, र थलाहबाट खटिएको प्रहरी टोलीले आइतबार बिहान सोही खोलाको बगेको स्थानभन्दा ३ किमि दक्षिण बाँसको झ्याङमा अल्झी रहेको अवस्थामा बालिकाको शव फेला पारेको थियो ।

Leave a Reply

Your email address will not be published. Required fields are marked *