ग्यारेजमा आगलागी हुँदा ८ वटा माइक्रोबस जले

काठमाडौँ । काठमाडौँको नयाँ बसपार्क नजिकै रहेको एक ग्यारेजमा आइतबार बिहान आगलागी हुँदा ८ वटा माइक्रोबस जलेको छ । डिएसपी रोशन खड्काले आगलागीबाट ८ वटा माइक्रोबसमा क्षति पुगेको जानकारी दिए ।

बा १ ज ९६०९, बा २ ख २०८०, बा १ ज ९४५८, बा २ ज १०९६, बा ३ ख ८५८९, बा ४ ख २४०, बा ४ ख ४०९ र ग १ ख २४४६ नम्बरको माइक्रोबसमा क्षति पुगेको प्रहरीले जानकारी दिएको छ । प्रहरीका अनुसार बा १ ज ९६०९ नम्बरको माइक्रोबाट आगलागी सुरु भएको थियो ।

डिएसपी खड्का अनुसार घटनाको प्रकृति हेर्दा प्राविधिक कारणबाट आगलागी भएको देखिन्छ । तर, घटनाबारे थप अनुसन्धानपछि मात्र यकिन हुन सक्ने उनले बताए ।

Leave a Reply

Your email address will not be published. Required fields are marked *