न्युजिल्यान्डमा २४ दिनपछि फेरि संक्रमण

0
160

वेलिङ्टन। कोरोना भाइरस संक्रमण शून्य भएको घोषणा गरेको न्युजिल्यान्डमा २४ दिनपछि फेरि संक्रमण देखिएको छ।

स्वास्थ्य मन्त्रालयले दुई जनामा संक्रमण देखिएको पुष्‍टि गरेको छ। दुवै बिरामी स्थानीय स्तरमै संक्रमणका भने होइनन्। दुवै हालै बेलायतबाट स्वदेश फिरेका थिए। र, दुवै आफन्त पनि हुन्।

एक मृत व्यक्तिको अन्त्येष्‍टीको सन्दर्भमा उनीहरूले स्वदेश आउने छुट पाएका थिए।

गत साता मात्रै न्युजिल्यान्ड सरकारले देशलाई कोरोना भाइरसमुक्त घोषणा गरेको थियो। र, लकडाउन पूर्ण रूपमा हटाएको थियो।

अन्य मुलुकका नागरिक न्युजिल्यान्ड जान अझै प्रतिबन्ध भए पनि न्युजिल्यान्डका नागरिकलाई भने स्वदेश फर्किन निषेध गरिएको छैन।

प्रधानमन्त्री जेसिन्डा आर्डनले देशमा पुनः कोरोना भाइरसको संक्रमण हुन सक्ने बताउँदै सतर्क रहन यसअघि आग्रह गरेकी थिइन्।

न्युजिल्यान्डमा कुल संक्रमित संख्या एक हजार पाँच सय ६ पुगेको छ। तीमध्ये २२ जनाले ज्यान गुमाएका छन्।

LEAVE A REPLY

Please enter your comment!
Please enter your name here