माइकल जोर्डनले जातीय समानता र सामाजिक न्यायका लागि १० करोड अमेरिकी डलर सहयोग गर्ने घोषणा

0
145

काठमाडौं। बास्केटबलका महान खेलाडी माइकल जोर्डनले जातीय समानता र सामाजिक न्यायका लागि संघर्ष गरिरहेको समूहलाई १० करोड अमेरिकी डलर सहयोग गर्ने घोषणा गरेका छन्।

जोर्डनले जारी गरेको विज्ञप्तीमा उनी र जोर्डन ब्रान्डले १० वर्षसम्ममा रकम वितरण गर्ने बताइएको छ। जातीय विभेद हटाउन काम गरिरहेका धेरै संघसंस्थाहरूमा त्यो रकम जानेछ।

प्रहरीको अत्यधिक बल प्रयोगबाट अश्‍वेत युवक जर्ज फ्लोयडको मृत्यु भएको थियो। निस्शस्त्र फ्लोयडलाई एक श्‍वेत प्रहरीले घाँटीमा घुँडाले थिचेको भिडिओ सार्वजनिक भएको थियो। ती प्रहरीलाई हत्या गरेको आरोप लागेको छ। अहिले ती प्रहरी सेवाबाट बर्खास्तमा छन्। त्यसपछि अमेरिकाबाट शुरू भएको आन्दोलन अहिले विश्‍वभर फैलिएको छ।

‘‘हामी माइकल जोर्डन र जोर्डन ब्रान्डले आउँदो १० वर्षमा एक सय मिलियन डलर अनुदान दिन संयुक्त प्रतिबद्धता घोषणा गरेका छौं। समुदाय, सरकार र नागरिक नेताहरूसँग मिलेर दिगो प्रभाव सिर्जना गर्नका लागि हामी पनि उनीहरूसँग जोडिनुपर्छ,’’ जोर्डन ब्रान्डका अध्यक्ष क्रेग विलियम्सले भने, ‘‘कालो समुदायहरू वास्तविक रूपमा प्रभावकारी काम गर्न अझ धेरै काम गर्न बाँकी छ। हामी यो जिम्मेवारी बहन गर्छौं।’’

गत साता जोर्डनले फ्लोयडको घटनाले आफूमा गम्भीर चोट पुगेको बताएका थिए। उनले भनेका थिए, ‘‘मैले सबैमा पीडा, आक्रोस र निराशा देखेको छु, महशुस गरेको छु। म हाम्रो देशमा भइरहेको रंगभेद र जातीय विभेदका विरुद्ध आवाज उठाउनेहरूको पक्षमा छु। अब अत्ति भयो।’’

LEAVE A REPLY

Please enter your comment!
Please enter your name here