शुक्रबार नेपालमा १८ जनामा कोरोना संक्रमण पुष्टि

काठमाडौं । शुक्रबार नेपालमा १८ जनामा कोरोना संक्रमण पुष्टि भएको छ । मकवानपुर, बाँके, पर्सा, उदयपुर, काठमाडौं र दाङ निवासी १८ जनामा कोरोना संक्रमण पुष्टि भएको छ ।
स्वास्थ्य मन्त्रालयले बिहान ९ जना संक्रमितको विवरण सार्वजनिक गरेको थियो ।
जसमा मकवानपुर निवासी ३७ वर्षीय पुरुष, बाँके नैनापुर १, ३ र ५ निवासी १८, २०, २२, २५,२५ ,२७, ३२ र ३६ वर्षीय पुरुषहरु रहेको स्वास्थ्य तथा जनसंख्या मन्त्रालयका सह–प्रवक्ता समिरकुमार अधिकारीले बताए ।

यस्तै अधिकारीले नै शुक्रबार राति जारी गरेको विज्ञप्तिमा थप ९ जना पुष्टि भएपछि संक्रमितको संख्या २६७ पुगेको जनाइएको छ ।

जसमा पर्साको वीरगन्ज निवासी १९ र १० वर्षीय बालक, २३ र ४७ वर्षीय महिला रहेका छन् ।

यसैगरी उदयपुरको त्रियुगा नगरपालिका निवासी २५ वर्षीय पुरुष तथा दाङको गढवा ४ र ५ तथा तुलसी–७ निवासी २३, ३६ र ३४ वर्षीय पुरुष तथा काठमाडौंको सतुंगल निवासी ७ वर्षीय बालकमा समेत कोरोनाको पुष्टि भएको छ ।

उनीहरु सबैको स्वास्थ्य अवस्था सामान्य रहेको छ । हालसम्म कोरोना निको भएर घर फर्किनेको संख्या ३६ रहेको छ । बाँकी संक्रमितको विभिन्न अस्पतालमा उपचार भइरहेको मन्त्रालयले जनाएको छ ।

Leave a Reply

Your email address will not be published. Required fields are marked *