कोरोनाभाइरस संक्रमणको ‘एन्टीबडी’ परीक्षण चाँडै उपलब्ध हुने

US President Donald Trump (L) listens as Director of the National Institute of Allergy and Infectious Diseases Anthony Fauci speaks during the daily briefing on the novel coronavirus, COVID-19, at the White House on March 24, 2020, in Washington, DC. (Photo by MANDEL NGAN / AFP) (Photo by MANDEL NGAN/AFP via Getty Images)

अमेरिकाका संक्रामक रोगसम्बन्धी शीर्ष विशेषज्ञ एन्थोनी फौसीले कोरोनाभाइरस संक्रमणको ‘एन्टीबडी’ परीक्षण चाँडै उपलब्ध हुने बताएका छन् ।

अमेरिकी समाचार च्यानल सीएनएनसँग कुरा गर्दै उनले भने, ‘एक या दुई सातासम्ममा हामीसँग ठूलो संख्यामा परीक्षण उपलब्ध हुनेछ ।’

नेशनल इन्स्टिच्यूट अफ एलर्जी एन्ड इन्फेक्सियस डिजिजका निर्देशकसमेत रहेका फौसीले हाल भने कोरोनाभाइरसको संक्रमण र एन्टीबडी परीक्षण समानान्तर रुपमा जारी रहने बताए ।

अमेरिकीहरुले प्रतिरक्षाको प्रमाणपत्र लिने सम्भावना प्रवल तुल्याउने क्रममा कोरोनाभाइरसको एन्टीबडीका लागि सकारात्मक परीक्षण गरेको उनको भनाइ थियो ।

उनले कहिलेसम्ममा अमेरिकामा व्यवसायहरु निर्वाध सञ्चालन हुने तथा कोरोना संक्रमणका कारण लगाइएका प्रतिबन्धहरु खुकुलो पार्ने भन्ने प्रष्ट भनेनन् । उनले यतिमात्र भने, ‘भाइरसको अवस्थाले नै यी सब कुराहरु निर्धारण हुनेछन् ।’

उनले स्पष्ट रुपमा दृढताका साथ सही दिशामा उन्मुख भएको हेर्न आफूले चाहेको पनि बताए । उनले अमेरिकीहरुलाई ‘इस्टर’ पर्वमा सावधानी अपनाउन पनि आग्रह गरेका छन् । उनले सामाजिक दूरी कायम राख्नुपर्ने आवश्यकता पनि औँल्याए ।

Leave a Reply

Your email address will not be published. Required fields are marked *