कोरोना भाईरसका कारण आईपीएल सारियो

एजेन्सी । कोरोना भाईरसका कारण चैत १६ गतेदेखि सुरु हुने इन्डियन प्रिमियर लिग (आईपीएल) सरेको छ । कोरोना भाईरसको सन्त्रासका कारण आईपीएल केही समय पर सारिएको भारतीय क्रिकेट कन्ट्रोल बोर्ड (बीसीसीआई) ले जनाएको छ । आईपीएल अब बैशाख ३ गतेदेखि सुरु हुनेछ ।

आईपीएल दर्शकविना खाली स्टेडियममा सञ्चालन गरिने पनि बीसीसीआईले उल्लेख गरेको छ । बीसीसीआईले आईपीएलमा सहभागी फ्रेन्चाइज टोलीसँगको छलफलपछि आईपीएल सारेको हो । भारत सरकारले वैशाख ३ गतेसम्म सबै भिसा बन्द गरेको छ । भारत सरकारले कोरोना भाईरसबाट सजक रहन आगमी सुचना नआएसम्म दिल्लीमा कुनैपनि ठूला खेलकुद गतिबिधी सञ्चालन नगर्न सुचना समेत जारी गरेको छ ।

Leave a Reply

Your email address will not be published. Required fields are marked *