क्रिस्टियानो रोनाल्डो पनि क्वारेन्टाइनमा

एजेन्सी । विश्वभर कोरोना भाइरसको महामारीले आक्रान्त पार्दा युभेन्ट्सका सुपरस्टार क्रिस्टियानो रोनाल्डो पनि क्वारेन्टाइनमा बसेका छन् । युभेन्ट्समा रोनाल्डोका सहकर्मी ड्यानियल रुगानीलाई करोना संक्रमण भएको पुष्टि भएपछि रोनाल्डोले घरमै क्वारेन्टाइनको नियम पालना गरेर बसेको अन्तर्राष्ट्रिय सञ्चारमाध्यम डेली मेलले उल्लेख गरेको छ ।

उनी आमालाई भेट्न पोर्चुगलको मडेरा पुगेका थिए । उनी इटाली फर्कनुअघि क्वारेन्टाइमा बस्नुपर्ने भएको हो । रोनाल्डो क्वारेन्टाइनमा बसेको समाचारलाई पोर्चुगलका सञ्चारमाध्यामले पनि महत्वका साथ प्रकाशित गरेका छन् । आइतबार इन्टर मिलानलाई पराजित गरेपछि रुगााीले टोलीको सामूहिक तस्बिर समेत सार्वजनिक गरेका थिए ।
जसमा टोलीका अन्य सदस्यसँगै रोनाल्डो पनि छन् । रुगीसँगै रोनाल्डो र अन्य खेलाडीले एउटै ड्रेसिङ रुम प्रयोग गरेकाले पनि सबै खेलाडीलाई क्वारेन्टाइमा राखिनुपर्ने बताइएको छ । कोरानाका कारण इटालीमा अहिले ६ करोड भन्दा बढी मानिस प्रभावित बनेका छन् । हाल इटालियन सिरि ‘ए’ पनि रोकिएको छ ।

Leave a Reply

Your email address will not be published. Required fields are marked *