भारतले लगायो प्रतिबन्ध

कोरोनाभाइरसका कारण भारतले विदेशबाट भारत आउन खोजेका सम्पूर्ण आगमनलाई मार्च १३ बाट लागु हुने गरी अप्रिल १५ सम्म प्रतिबन्ध लगाएको छ ।

विश्वस्वास्थ्य संगठनले कोरोनाभाइरसलाई विश्वव्यापी महामारीको घोषणा गरेसंगै भारतले यस्तो कदम चालेको हो ।

अन्य देशले विदेशीहरुको प्रवेशमाथि मात्र रोक लगाइरहेको समयमा भारतले विदेशबाट भारत आउन खोज्ने आफ्नै नागरिकलाई पनि प्रवेशमा रोक लगाएको घोषणा गरेको छ ।

बुधबार भारत सरकारले अब मार्च १३ को दिउसो १२ बजेपछि भारतका लागि हिडिसेका विदेशीलाई समेत प्रवेश नदिने गरि ‘यात्रा निर्देशिका’ जारी गरेको हो । निर्देशिकामा उल्लेख गरे अनुसार कुटनीतिक नियोगमा काम गर्ने कर्मचारीलाई भने छुट गरिएको छ ।

निर्देशिकामा ‘भारतमा आउनै पर्ने अत्यावश्यक कारण भएकाका विदेशीले तिनको नजिकको भारतीय दुतावास वा वाणिज्यदुतावाससँग सरसल्लाह गर्न सुझाव दिइएको छ ।’ साथै, आफ्ना नागरिकलाई युरोप र अमेरिकाको भ्रमण नगर्न निर्देशन दिएको छ ।

Leave a Reply

Your email address will not be published. Required fields are marked *