महाशिवरात्रिको अवसरमा पशुपतिनाथ दर्शनका लागि आएका साधुसन्तको बिदाइ

A Hindu Sadhu smokes marijuana in a chillum inside the Pashupatinath Temple premise in Kathmandu, Nepal on Monday, March 7, 2016. Photo: Skanda Gautam/ THT

काठमाडौँ । महाशिवरात्रिको अवसरमा पशुपतिनाथ दर्शनका लागि आएका साधुसन्तको बिदाइ गरिएको छ ।

महाशिवरात्रीको अवशरमा छिमेकी भारत लगायत विभिन्न ठाउँमा आएका ५ हजारभन्दा बढी साधुसन्तहरुको आइतबार बिदाइ गरिएको हो । गुठी संस्थान र पशुपति क्षेत्र विकास कोषले बाटो खर्चसहित सन्तहरुको बिदाइ गरेको हो ।

पशुपति क्षेत्र विकास कोषका कार्यकारी निर्देशक डा. घनश्याम खतिवडाले ५ हजारभन्दा बढी साधुसन्तहरुको बिदाइ गरिएको बताए । विभिन्न श्रेणीअनुसार १ हजारदेखि १० हजार रुपैयाँसम्म दक्षिणा दिएर बिदाइ गरिएको उनले बताए । गुठीको परम्परा अनुसार साधुहरुलाई दक्षीणा दिएर उनीहरुको बिदाइ गरिएको हो ।

साधुसन्तहरुका लागि १० लाख रुपैयाँ छुट्याइएको थियो । विभिन्न ठाउँबाट आएका सन्तहरुको खाना तथा बस्नको व्यवस्था शिवालय क्षेत्रमा गरिएको थियो । त्यसको व्यवस्थापनका लागि ३० लाख रुपैयाँ बजेट छुट्याइएको कोषले जनाएको छ । बिदाइ समारोहमा दक्षिणाको विषयमा असन्तुष्टि जनाउँदै केही साधुसन्तहरुले असन्तुष्टि व्यक्त गरेका छन् ।

Leave a Reply

Your email address will not be published. Required fields are marked *