नागढुंगाबाट डेढ करोड मूल्य बारवरको मोवाईलसहित २ जना पक्राउ

काठमाडौं । प्रहरीले काठमाडौंको नागढुंगाबाट डेढ करोड मूल्य बारवरको मोवाईलसहित २ जनालाई पक्राउ गरेको छ । 


महानगरीय प्रहरी बृत्त थानकोट र महानगरीय प्रहरी प्रभाग नागढुंगाको टोलीले बुधबार बिहान विभिन्न कम्पनीका ६३४ थान मोबाइलसहित उनीहरुलाई पक्राउ गरेको हो । 


पक्राउ पर्नेमा काठमाडौं ३४ का ४० वर्षीय उमेश भट्ट र सिन्धुपाल्चोक शिखरपुर १ का इन्द्रबहादुर कटुवाल छन । 


प्रहरीले उनीहरुको साथबाट विभिन्न कम्पनीका ६३४ थान मोबाइल चन्द्रागिरी २ को चेकप्वाइन्टमा भैरहवाबाट काठमाडौं आउँदै गरेको भारतीय नम्बर प्लेटको कारबाट उक्त रकम बराबरको मोबाइल बरामद गरेको हो । 


सामसङ, ओप्पो, आइफोन, लेनोभो, नोकिया, हुवाई, नोकिया लगायत १८ ब्राण्डका ६३४ वटा मोवाइल बरामद गरिएको थियो साथै मोबाइलसँगै एलसिडी तथा टच स्क्रिन कभर पनि बरामद भएको छ ।


उक्त मोबाइलको बिल भर्पाई नभएको र  उक्त मोवाइलहरूको अनुमानित बजार मूल्य १ करोड ५० लाख रहेको प्रहरीले जनाएको छ ।

Leave a Reply

Your email address will not be published. Required fields are marked *