काठमाडौं । दशैंमा उपत्यकाबाट बाहिरनेहरुको लागि आईतबारबाट अग्रिम टिकट खुला हुने भएको छ ।
लामो रुटका बसका यात्रुहरुको लागि टिकट बुकिंग खुला गरेको यातायात व्यवस्था विभागले जनाएको छ ।
विभागका अनुसार नजिकका जिल्लाका लागि भने केही दिनपछि बुकिङ खुल्ने नेपाल यातायात व्यवसायी राष्ट्रिय महासंघका महासचिव सरोज सिटौलाले जानकारी दिए ।
कलंकी, बल्खु, नयाँ बसपार्क, पुरानो बसपार्क, कोटेश्वर, तिलगंगा, चाबहिल, स्वयम्भू, सुन्धारा, नागढुंगा, जगाती र लगनखेल लगयतका स्थानमा अग्रिम बुकिङ सुरु हुनेछ ।
कसैले बढी भाडा लिन खोजे, ब्ल्याकमा टिकट बिक्री गरे तथा अन्य कुनै समस्या भए यात्रुले विभाग वा ट्राफिक प्रहरीमा उजुरी गर्न सक्ने व्यवस्था गरेको छ ।
बर्षेनी दशैं मनाउन भनेर उपत्यकाबाट करिब ३० देखि ३५ लाखले काठमाडौं छाड्ने अनुमान छ ।